Rhaglen Aberystwyth 2026

Hayao Miyazaki, Japan 1989, 104 munud, gydag isdeitlau. Adferiad 4K newydd sbon o un o’r ffilmiau animeiddio mwyaf hoffus i ddod allan o Studio Ghibli. Mae’n draddodiad i holl wrachod ifanc adael eu teuluoedd ar noson lleuad lawn a hedfan allan i’r byd mawr i ddysgu eu crefft. Pan ddaw’r noson honno i Kiki, mae hi’n cychwyn ar ei thaith newydd gyda’i chath ddu ddeifio,l gan lanio mewn tref ar yr arfordir lle mae ei sgiliau unigryw yn ei gwneud hi’n llwyddiant ar unwaith yn y popty crefftus lleol.

Japan | 1989 | 104m | U | Hayao Miyazaki | Japaneeg gydag isdeitlau Saesneg

Wedi’i osod yn y flwyddyn 20XX, mae ALL YOU NEED IS KILL yn dilyn stori Rita, menyw ifanc ddyfeisgar ond ynysig sy’n gwirfoddoli i helpu i ailadeiladu Japan ar ôl ymddangosiad dirgel blodyn estron enfawr o’r enw “Darol.” Pan fydd Darol yn ffrwydro’n annisgwyl mewn digwyddiad marwol, gan ryddhau creaduriaid anferth sy’n difa’r boblogaeth, mae Rita yn cael ei dal yn y dinistr – a’i lladd. Ond yna mae hi’n deffro unwaith eto. Ac eto. Wedi’i dal mewn dolen amser ddiddiwedd, rhaid i Rita lywio’i ffordd drwy’r trawma a’r profiad o ailadrodd marwolaeth nes iddi ddod ar draws Keiji, dyn ifanc swil wedi’i ddal yn yr un cylch. Gyda’i gilydd, maent yn ymladd i dorri’n rhydd o’r ddolen a dod o hyd i ystyr yn yr anhrefn o’u cwmpas.

Siapan | 2026 | 1awr 26mun | 15 | Kenichiro Akimoto | Siapaneeg gyda than-deitlau Saesneg |

Wedi ei gyfarwyddo gan Tomohisa Taguchi (BLEACH:  Thousand-Year Blood War) a’i ysbrydoli gan y nofel,  a wobrwyd, o’r un enw, mae’r stori hon, sy’n teithio drwy amser ar thema cariad dros yr haf, yn adrodd hanes Kaoru ac Anzu, dau misffit yn eu harddegau ddaw at ei gilydd i ymchwilio twnel dirgel sydd, yn ôl pob sôn, yn cyflawni dymuniadau pob un sy’n mentro trwyddo, ond ar gost ddirfawr. Gydai’i gilydd rhaid iddynt sylweddoli beth yw eu gwir ddymuniad ac ystyried yde e’ werth y gost. 

Japan | 2024 | 1h 37m | 12 | Tomohisa Taguchi | Japaneeg gydag isdeitlau Saesneg|

Detholiad o nwyddau sy’n gysylltiedig â Kotatsu, comics, DVDs gyda phris fforddiadwy. Bydd yr holl arian a godir ar y stondin hon yn cael ei ddefnyddio i ariannu’r ŵyl y flwyddyn nesaf. Er mwyn lleihau’r defnydd o fagiau plastig, dewch â’ch bagiau a’ch pocedi poli eich hun os yn bosibl.

Detholiad o gymeriadau amigurumi (crosio) a nwyddau cysylltiedig â Japan.

Mae gennym amrywiaeth eang o manga a deunyddiau darllen. Beth am bori a setlo i lawr am ychydig o ddarllen? Rydym yn gwneud ein gorau i fod yn gynaliadwy, a fyddech cystal ag ystyried rhoi eich comics/llyfrau/DVDs hoff i ni.

Peidiwch â mynd ag unrhyw un o’r llyfrau adref gyda chi. Gallwch eu prynu am bris fforddiadwy os dymunwch.

Nonki Ashita

Dechreuodd Chie Arai weithio’n llawrydd yn 2002 wedi iddi fod yn gweithio mewn stiwdio animeiddio. Yn ogystal â gweithio fel arlunydd ac animeiddiwr traddodiadol, mae hi’n parhau i greu llyfrau fflip a ffilmiau animeiddiedig. Ers 2006, mae hi wedi trefnu arddangosfa grŵp o artistiaid sy’n caru llyfrau fflip, sef y Parapara Manga Kissaten “Flip Manga Exhibit”, sydd wedi cael ei chyflwyno mewn sawl lleoliad canolog o gwmpas Tokyo. Mae hi hefyd wedi gweithio yn yr adran fodelu ym Mhrifysgol Bunka Gakuen ers 2015, ac mae hi’n aelod o Gymdeithas Animeiddio Japan (JAA) a Chymdeithas Astudiaethau Animeiddio Japan (JSAS)

Amy Morris

Mae Amy Morris yn gynhyrchydd creadigol Brydeinig sy’n gweithio yng Nghymru; mae ganddi 17 mlynedd o brofiad ym meysydd animeiddio a ffilm annibynnol, a dros 60 o gredydau cynhyrchu i’w henw. Hi yw sylfaenydd Winding Snake Productions, menter sy’n meithrin eiddo deallusol (IP) animeiddiedig gwreiddiol. 

Mae hi hefyd gyd-sylfaenydd AMMÔ Animation, lle mae hi’n datblygu ac yn cynhyrchu animeiddiadau gwreiddiol ar gyfer cynulleidfaoedd rhyngwladol. 

Mae ei gwaith cynhyrchu wedi ennill cydnabyddiaeth gan BAFTA, enwebiadau gan BAFTA Cymru a statws ‘Vimeo Staff Picks’, gyda ffilmiau’n cael eu dewis ar gyfer gwyliau sy’n gymwys ar gyfer yr Oscars yn rhyngwladol. 

Ymhlith ei gweithiau nodedig mae *Cwch Deilen* gan Efa Blosse Mason, a gafodd ei ddangos mewn 26 o wyliau ffilm rhyngwladol,  gan gynnwys Tribeca, Frameline a FlickerFest.  Cipiodd y ffilm hon y wobr ‘Best of British’ yng Ngwobrau Iris. Fel cynhyrchydd a rheolwr rhaglen Ffolio Ffilm Cymru Wales, goruchwyliodd y broses o ddatblygu a chyflwyno 16 o ffilmiau ar gyfer eu darlledu; cynhyrchodd 12 ohonynt a chefnogodd dalentau ffilmio newydd o Gymru.  

Ar hyn o bryd, mae ganddi bortffolio datblygu cynhwysfawr ar waith, gan cynnwys ffilmiau nodwedd a chyfresi animeiddiedig ar gyfer cynulleidfaoedd o oedolion a’r ifanc.  gan gydweithio â stiwdios a phartneriaid creadigol yng Nghanada ac Iwerddon. Mae ganddi hefyd dîm cynhyrchu sy’n gweithio rhwng Cymru a Hwngari ar waith animeiddiedig newydd i’w ryddhau yn 2027. Trwy Winding Snake Productions ac AMMÔ Animation, mae hi’n datblygu eiddo deallusol gwreiddiol ac yn meithrin partneriaethau rhyngwladol, gyda’r nod o greu animeiddiadau o Gymru sy’n cael eu cydnabod yn rhyngwladol.

Shinobu Soejima

Mae Shinobu Soejima yn creu ffilmiau byr stop-motion, gosodiadau creadigol a cherfluniau o ddeunyddiau organic, megis reis, cig a phryfed, yn ogystal â phypedau. Trwy fanteisio’n llawn ar fecanwaith animeiddio, mae hi’n archwilio’r broses o ddiddymu ffiniau – rhwng pethau byw a phethau difywyd, y canol a’r ymylon, a’r hyn sy’n weladwy a’r hyn sy’n anweladwy. Mae hi wedi ennill nifer o wobrau mewn gwyliau ffilm yn Japan ac yn rhyngwladol, gan gynnwys gwobr ‘Special Mention’ gan Banel Beirniaid Eciwmenaidd yng Ngŵyl Ffilmiau Byr Ryngwladol Oberhausen (y 68ain rhifyn); Gwobr y Beirniaid yng Ngŵyl Celfyddydau Cyfryngau Japan (yr 22ain rhifyn); Gwobr Efydd Kon Satoshi yng Ngŵyl Ffilm Ryngwladol Fantasia, 2025; Gwobr Shibuya Sky yng nghystadleuaeth arbrofol Dwyrain Asia yn yr ŵyl Image Forum; a Gwobr Eriko Kimura yng nghystadleuaeth Art Award Tokyo Marunouchi yn 2018.