Yn Tokyo, ychydig cyn yr Ail Ryfel Byd, mae ysgol sy’n cyfuno dysgu â hwyl, rhyddid a chariad. Yn yr ysgol anarferol hon hen gerbydau rheilffordd yw’r ystafelloedd dosbarth, ac mae’n cael ei rhedeg gan ddyn rhyfeddol, Sosaku Kobayashi, ei sylfaenydd a’i phennaeth,  sy’n credu’n gryf mewn rhyddid mynegiant a gweithgaredd. Dyma Totto-chan yn cyrraedd, merch fach fywiog nad yw’n ffitio i mewn yn ei hysgol gynradd wreiddiol. Diolch i’r pennaeth Sosaku, bydd Totto-chan yn cwrdd â myfyrwyr unigryw ac yn dysgu pethau newydd, hyd yn oed pan fydd Japan yn mynd i ryfel.

Japan | 2023 | 1h 54m | TBC |Shinnosuke Yakuwa | Japaneeg gydag isdeitlau Saesneg |

Mae Makoto yn ferch nodweddiadol yn ei harddegau sy’n treulio’r rhan fwyaf o’i dyddiau yn ymlacio gyda ffrindiau. Un diwrnod wrth ruthro i gyfarfod â’i modryb, mae bron â chael ei tharo gan drên, ond ar yr eiliad olaf, mae’n neidio’n ôl mewn amser i’r cyfnod cyn y ddamwain. Mae hi’n defnyddio ei gallu newydd ar unwaith i ail-wneud pob anghyfleustra baychan – o ganlyniadau arholiadau gwael i gyffesau lletchwith o gariad. Fodd bynnag, wrth wynebu canlyniadau ymyrryd gydag amser, rhaid i Makoto wneud popeth o fewn ei gallu i osgoi dyfodol difrifol na ellir ei wrthdroi.

Mae The Girl Who Leapt Through Time yn un o ffilmiau cynnar hoffus gan Mamoru Hosoda, y cyfarwyddwr a enwebwyd am Wobr yr Academi,  y enwog am BELLE, Wolf Children, Summer Warsa mwy. Mae Hosoda yn plethu’r delweddau hir-hoedlog, trawiadol sydd mor nodweddiadol ohono gyda stori dyner am ferch yn ymdopi gyda chariad cyntaf, teithio amser, a’r dewisiadau peryglus a ddaw yn sgîl y ddau.

Japan | 2006 | 98m | 12 |Mamoru Hosoda | Japaneeg gydag isdeitlau Saesneg |F-Rated

Pan fydd tynged yn wynebu Ryo Saeba, mae pennod olaf City Hunter yn dechrau!

Mae Kenji yn gymedrolwr swil, rhan-amser ar gyfer OZ, y byd realiti rhithwir sy’n pweru bywyd bob dydd, nes bod Natsuki, merch hardd a phoblogaidd, yn ei recriwtio i fod yn gariad ffug iddi. Wrth esgus bod yn gariad cyfoethog i deulu Natsuki, mae Kenji yn darganfod bod rhaglen AI twyllodrus wedi dwyn ei hunaniaeth ar-lein, ac mae Kenji yn cael ei gyhuddo o hacio OZ ac achosi trychinebau yn y byd go iawn. Wrth i’r dinistr yn OZ daflu teulu Natsuki i anhrefn, rhaid i Kenji uno ei gysylltiadau newydd i oresgyn apocalyps seiber sydd ar ddod. Wedi ei osod mewn cefndir o olygfeydd cefn gwlad godidog a mannau rhithwir llawn lliw, mae Summer Wars yn epig amserol sy’n archwilio bywyd yn yr oes ddigidol gan y cyfarwyddwr a enwebwyd am Wobr yr Academi®, Mamoru Hosoda (BELLE).

Japan | 2009 | 1h 54m | 12A |Mamoru Hosoda | Japaneeg gydag isdeitlau Saesneg |

JERO11: Galw’r Yōkai 

妖怪召喚 

Mae JERO11 yn gitarydd metel trwm a chwaraewr shamisen sydd wedi’i ysbrydoli’n fawr gan gerddoriaeth a diwylliant traddodiadol Japan. Yn y cyflwyniad hwn bydd yn mentro i lên gwerin yōkai o offerynnau traddodiadol Japan, chwedlau a straeon lle mae gwrthrychau ac offer cartref Japan yn dod yn fyw.

Os ydych chi’n hoffi diwylliant Japan, metel a straeon arswydus, mae’r yōkai yn aros amdanoch chi!

*Mae gan y perfformiad hwn ddelweddau o fflachio a sain uchel cerddoriaeth roc *

Gan gefnu ar y byd J-pop mae Mima Kirigoe yn dechrau bywyd newydd fel actores ar sioe ddrama drosedd o’r enw Double Blind. Pan gynigir prif ran yn y sioe iddi hi fel dioddefwr trais rhywiol, mae Mima yn derbyn y rôl er gwaethaf amheuon ei rheolwr. Fodd bynnag, mae’r adwaith gan gefnogwyr ynghylch ei newid gyrfa a gwefan ryfedd o’r enw ‘Mima’s Room’ a grewyd gan Mima ffug yn dechrau ei phoeni. Pan fydd stelciwr yn ymddangos a phobl sy’n ymwneud â Double Blind yn dechrau troi i fyny’n farw a’r holl dystiolaeth yn cyfeirio ati hi, mae Mima yn mynd i gyflwr o ddryswch llwyr, gwallgofrwydd a pharanoia.

Wedi’i gyfarwyddo gan y diweddar Satoshi Kon ac wedi’i ganmol gan y beirniaid fel un o’r enghreifftiau gorau o ffilm gyffro animeiddiedig, bydd Perfect Blue yn eich arswydo ac yn eich gadael yn lled ofnus.

Japan | 1998 | 1h 21m | 18 |Satoshi Kon | Japaneeg gydag isdeitlau Saesneg |

Yn 11 oed mae Karin yn cael ei gadael gan ei thad mewn tref fechan yn Japan, lle trigai ei thaid, sy’n fynach. Mae ei thaid yn gofyn i Anzu, ei gath ysbrydol, sy’n hwyliog a defnyddoiol, er tamaid yn wamal, i ofalu amdani. Wrth i’w personolaiaethau bywiog wrthdaro, mae pethau’n tanio rhyngddynt – er dim ond ar y cychwyn.

Japan | 2024 | 1h 37m | PG| Yôko Kuno, Nobuhiro Yamashita | Japaneeg gydag isdeitlau Saesneg| F-Rated

Myfyrwraig ysgol uwchradd yw Totsuko gyda’r gallu i weld ‘lliwiau’ pobl eraill. Lliwiau o hapusrwydd, cyffro a  sirioldeb, yn ogystal â’r lliw mae hi’n ei drysori fel ei ffefryn. Mae Kimi, cyd-ddisgybl yn ei hysgol, yn cyfleu y lliw mwyaf prydferth o’r cyfan. Er nad yw Totsuko yn chwarae offeryn, mae hi’n ffurfio bandgyda Kimi a Rui, un tawel ond brwdfrydig am gerddoriaeth. Wnaethant gwrdd mewn siop lyfrau ail-law, yng nghornel bell o ganol y dref. Tra’n ymarfer mewn hen eglwys ar ynys anghysbell, mae’r gerddoriaeth yn eu huno, gan ennyn cyfeillgarwch a hoffter cyffrous rhyngddynt. Tybed a fydden nhw’n darganfod eu gwir ‘llwiau’ ?

Japan | 2024 | 1h 40m | U | Naoko Yamada | Japaneeg gydag isdeitlau Saesneg | F-Rated

Mae’r fyfyrwraig coleg Hana yn syrthio mewn cariad â “blaidd-ddyn” ac mae ganddyn nhw ddau blentyn hanner-dynol, hanner-blaidd, Ame a Yuki. Daw bywyd dedwydd a syml y teulu ifanc i ben yn sydyn pan gaiff y tad ei ladd yn drasig yn ystod helfa. Ar ôl brwydro i fagu ei phlant yn y ddinas brysur, mae Hana yn penderfynu’n feiddgar symud i dŷ adfeiliedig yng nghefn gwlad, gan obeithio y gall ei phlant un diwrnod benderfynu ar eu llwybr eu hunain i hapusrwydd – boed yn “ddynol” neu’n “flaidd”.  Mae’r stori dylwyth teg fodern, ddirdynnol hon yn gyflwyniad eithriadol, llawn harddwch ac emosiwn, gan y cyfarwyddwr a enwebwyd am Wobr yr Academi®, Mamoru Hosoda. Yn gyfoeth o animeiddio godidog ac wedi’i osod i sgôr gerddorol deimladwy, mae Wolf Children yn stori ysgubol am hunan-ddarganfyddiad a chwlwm teulu.

Japan | 2012 | 1h 57m | PG |Mamoru Hosoda | Japanese with English subtitles | Japaneeg gydag isdeitlau Saesneg | F-Rated

Bydd tocynnau ar gyfer raffl eleni ar gael yn ystod yr ŵyl, ar stondin Kotatsu.

Tocynnau yn 50c yr un.

Ceir manylion llawn y gwobrau ar ein tudalen raffl.