Rhaglen Aberystwyth 2025

Gwe  Hydref 24

Sad 25th Oct

Sul 26th Oct

Mae Makoto yn ferch nodweddiadol yn ei harddegau sy’n treulio’r rhan fwyaf o’i dyddiau yn ymlacio gyda ffrindiau. Un diwrnod wrth ruthro i gyfarfod â’i modryb, mae bron â chael ei tharo gan drên, ond ar yr eiliad olaf, mae’n neidio’n ôl mewn amser i’r cyfnod cyn y ddamwain. Mae hi’n defnyddio ei gallu newydd ar unwaith i ail-wneud pob anghyfleustra baychan – o ganlyniadau arholiadau gwael i gyffesau lletchwith o gariad. Fodd bynnag, wrth wynebu canlyniadau ymyrryd gydag amser, rhaid i Makoto wneud popeth o fewn ei gallu i osgoi dyfodol difrifol na ellir ei wrthdroi.

Mae The Girl Who Leapt Through Time yn un o ffilmiau cynnar hoffus gan Mamoru Hosoda, y cyfarwyddwr a enwebwyd am Wobr yr Academi,  y enwog am BELLE, Wolf Children, Summer Warsa mwy. Mae Hosoda yn plethu’r delweddau hir-hoedlog, trawiadol sydd mor nodweddiadol ohono gyda stori dyner am ferch yn ymdopi gyda chariad cyntaf, teithio amser, a’r dewisiadau peryglus a ddaw yn sgîl y ddau.

Japan | 2006 | 98m | 12 | Mamoru Hosoda | Japaneeg gydag isdeitlau Saesneg | F-Rated | Trelar

Mae Kenji yn gymedrolwr swil, rhan-amser ar gyfer OZ, y byd realiti rhithwir sy’n pweru bywyd bob dydd, nes bod Natsuki, merch hardd a phoblogaidd, yn ei recriwtio i fod yn gariad ffug iddi. Wrth esgus bod yn gariad cyfoethog i deulu Natsuki, mae Kenji yn darganfod bod rhaglen AI twyllodrus wedi dwyn ei hunaniaeth ar-lein, ac mae Kenji yn cael ei gyhuddo o hacio OZ ac achosi trychinebau yn y byd go iawn. Wrth i’r dinistr yn OZ daflu teulu Natsuki i anhrefn, rhaid i Kenji uno ei gysylltiadau newydd i oresgyn apocalyps seiber sydd ar ddod. Wedi ei osod mewn cefndir o olygfeydd cefn gwlad godidog a mannau rhithwir llawn lliw, mae Summer Wars yn epig amserol sy’n archwilio bywyd yn yr oes ddigidol gan y cyfarwyddwr a enwebwyd am Wobr yr Academi®, Mamoru Hosoda (BELLE).

Japan | 2009 | 1h 54m | 12A |Mamoru Hosoda | Japaneeg gydag isdeitlau Saesneg | Trelar

Yn Tokyo, ychydig cyn yr Ail Ryfel Byd, mae ysgol sy’n cyfuno dysgu â hwyl, rhyddid a chariad. Yn yr ysgol anarferol hon hen gerbydau rheilffordd yw’r ystafelloedd dosbarth, ac mae’n cael ei rhedeg gan ddyn rhyfeddol, Sosaku Kobayashi, ei sylfaenydd a’i phennaeth,  sy’n credu’n gryf mewn rhyddid mynegiant a gweithgaredd. Dyma Totto-chan yn cyrraedd, merch fach fywiog nad yw’n ffitio i mewn yn ei hysgol gynradd wreiddiol. Diolch i’r pennaeth Sosaku, bydd Totto-chan yn cwrdd â myfyrwyr unigryw ac yn dysgu pethau newydd, hyd yn oed pan fydd Japan yn mynd i ryfel.

Japan | 2023 | 1h 54m | TBC | Shinnosuke Yakuwa | Japaneeg gydag isdeitlau Saesneg

Bydd tocynnau ar gyfer raffl eleni ar gael yn ystod yr ŵyl, ar stondin Kotatsu.

Tocynnau yn 50c yr un.

Ceir manylion llawn y gwobrau ar ein tudalen raffl.

Gan gefnu ar y byd J-pop mae Mima Kirigoe yn dechrau bywyd newydd fel actores ar sioe ddrama drosedd o’r enw Double Blind. Pan gynigir prif ran yn y sioe iddi hi fel dioddefwr trais rhywiol, mae Mima yn derbyn y rôl er gwaethaf amheuon ei rheolwr. Fodd bynnag, mae’r adwaith gan gefnogwyr ynghylch ei newid gyrfa a gwefan ryfedd o’r enw ‘Mima’s Room’ a grewyd gan Mima ffug yn dechrau ei phoeni. Pan fydd stelciwr yn ymddangos a phobl sy’n ymwneud â Double Blind yn dechrau troi i fyny’n farw a’r holl dystiolaeth yn cyfeirio ati hi, mae Mima yn mynd i gyflwr o ddryswch llwyr, gwallgofrwydd a pharanoia.

Wedi’i gyfarwyddo gan y diweddar Satoshi Kon ac wedi’i ganmol gan y beirniaid fel un o’r enghreifftiau gorau o ffilm gyffro animeiddiedig, bydd Perfect Blue yn eich arswydo ac yn eich gadael yn lled ofnus.

Japan | 1998 | 1h 21m | 18 | Satoshi Kon | Japaneeg gydag isdeitlau Saesneg | Trelar

Myfyrwraig ysgol uwchradd yw Totsuko gyda’r gallu i weld ‘lliwiau’ pobl eraill. Lliwiau o hapusrwydd, cyffro a  sirioldeb, yn ogystal â’r lliw mae hi’n ei drysori fel ei ffefryn. Mae Kimi, cyd-ddisgybl yn ei hysgol, yn cyfleu y lliw mwyaf prydferth o’r cyfan. Er nad yw Totsuko yn chwarae offeryn, mae hi’n ffurfio bandgyda Kimi a Rui, un tawel ond brwdfrydig am gerddoriaeth. Wnaethant gwrdd mewn siop lyfrau ail-law, yng nghornel bell o ganol y dref. Tra’n ymarfer mewn hen eglwys ar ynys anghysbell, mae’r gerddoriaeth yn eu huno, gan ennyn cyfeillgarwch a hoffter cyffrous rhyngddynt. Tybed a fydden nhw’n darganfod eu gwir ‘llwiau’ ?

Japan | 2024 | 1h 40m | U | Naoko Yamada | Japaneeg gydag isdeitlau Saesneg | F-Rated | Trelar

Mae COLORFUL STAGE! The Movie: A Miku Who Can’t Sing yn ffilm animeiddio gan stiwdio PAWORKS sy’n cynnwys Hatsune Miku gwbl newydd.  Dyma’r ffilm gyntaf hefyd i gyflwyno’r Virtual Singer eiconig. Yn seiliedig ar HATSUNE MIKU: COLORFUL STAGE!, gêm am fyfyrwyr ysgol uwchradd yn canfod eu gwir deimladau trwy gerddoriaeth mewn byd arallfydol o’r enw “SEKAI” gyda chymorth Hatsune Miku.  Cerddor ysgol uwchradd yw Ichika â’r 
gallu i gael mynediad   i “SEKAI,” lle cyfrinachol ble mae  hi a’i ffrindiau yn gallu mynegi eu hemosiynau mewnol dwys trwy gyfrwng cerddoriaeth ar y cyd â Hatsune Miku. Un diwrnod ar ôl cyflwyno perfformiad byw, mae Ichika yn cwrdd â Miku newydd nad yw hi erioed wedi ei gweld o’r blaen. Waeth pa mor galed mae’r Miku newydd yma yn ceisio canu, mae’n cael trafferth cysylltu â chalonnau ei gwrandawyr. Rhaid i Miku ddibynnu ar help eraill i ddod o hyd i ffordd o ganu unwaith eto. 

Japan | 2025 | 1h 50m | 12A TBC | Hiroyuki Hata | Japaneeg gydag isdeitlau Saesneg | F-Rated | Trelar