Rhaglen TAPE 2025

Detholiad o nwyddau sy’n gysylltiedig â Kotatsu, comics, DVDs gyda phris fforddiadwy. Bydd yr holl arian a godir ar y stondin hon yn cael ei ddefnyddio i ariannu’r ŵyl y flwyddyn nesaf. Er mwyn lleihau’r defnydd o fagiau plastig, dewch â’ch bagiau a’ch pocedi poli eich hun os yn bosibl.

Manga Kissa (Manga Café)

Mae gennym amrywiaeth eang o manga a deunyddiau darllen. Beth am bori a setlo i lawr am ychydig o ddarllen? Rydym yn gwneud ein gorau i fod yn gynaliadwy, a fyddech cystal ag ystyried rhoi eich comics/llyfrau/DVDs hoff i ni.

Peidiwch â mynd ag unrhyw un o’r llyfrau adref gyda chi. Gallwch eu prynu am bris fforddiadwy os dymunwch.

Dr Dario Lolli

Athro Cynorthwyol mewn Diwylliannau Japaneaidd a Gweledol

Mae Dr Dario Lolli yn Athro Cynorthwyol ym Mhrifysgol Durham, ble mae’n dysgu Sinema Japaneaidd, animeiddio a chyrsiau ar ddiwylliannau gweledol a chyfryngau digidol. Ar gyfer ei fonagraff, sydd ar waith, mae’n archwilio masnachfreintiau anime gyda’u rhyngwyneb ag adfeddiannu, ffugio a chynnydd mewn trwyddedu trawswladol.  Yn Japan mae wedi bod yn ymchwilio i ddefnyddiau cynhyrchu anime ers 2017, fel aelod parhaol o Ganolfan Archif Astudieaethau Anime ym Mhrifysgol Nigata. Mae ei waith wedi ymddangos mewn cylchgronau gan gynnwys Convergence, Media, Culture & Society, a Mechademia, yn ogystal ag mewn casgliadau golygedig megis The Cambridge Companion to Manga and Anime.

Seiji Kano

Mae Seiji Kano yn ysgolhaig ym maes ffilm ac wedi ei apwyntio yn Athro ym Mhrifysgol Tokyo Zokei. Bu’n darlithio hefyd ym Mhrifysgol Asia, Prifysgol Celf a Dylunio Joshibi a Phrifysgol Taisho.

Fel cyfarwyddwr Sefydliad Isao Takahata a Ffilmiau Hayao Miyazaki, bu’n cynghori, yn areithio a chyfranodd at gatalog Arddangosfa Akahata Isao – The Man who Planted Japanese Animation. 

 Cyfarwyddodd a threfnodd yr arddangosfa Ohtsuka Yasuo Exhibition: Toy Box of Animation & Military, ac mae wedi cyfrannu llawer o erthyglau i gylchgrawn Ronza yr Asahi Shimbun, ymhlith llawer o gyhoeddiadau eraill. 

Mae hefyd wedi golygu a chreu y llyfrau canlynol: Ohtsuka Yasuo: Miscellany of a Hobbyist (dourakumono zakkijou), Ohtsuka Yasuo: Social Chronicles of a Hobbyist (dourakumono kouyuuki), a Panda! Go, Panda! Fanbook. Bu’n brif olygydd o Filmmakers 25: Isao Takahata. Fel awdur mae e’ wedi ysgrifennu The Complete Hayao Miyazaki, Light and Shadow in Frozen (Anna to yuki no jouou no hikari to kage), a The Pioneers of Japanese Animation: New Edition (Nihon no animeshon wo kizuita hitobito shinban), ymhlith llawer o weithiau eraill.

Yuichi Ito

Cyfarwyddwr Animeiddio

Ganwyd  cyd-gyfarwyddwr o I.TOON Cyf. yn 1962. Mae e’n animeiddiwr medrus mewn sawl cyfrwng, yn fwyaf nodedig mewn clai, gan ddefnyddio’r sgiliau hynny ym mhopeth o ddylunio i’r grefft o animeiddio. Mae ei weithiau cynrychioliadol yn cynnwys Knyacki! gan NHS E, sy’n dathlu ei garreg filltir yn 30 oed, Norabbits’ Minutes ar gyfer penblwydd Stiwdio Shochiku yn 110 oed, hysbysebion teledu Pon de Lion Mister Donut, elfennau animeiddio ar gyfer fideo cerddoriaeth teithiol Hikaru Utada, a’r fideo cerddoriaeth ar gyfer kimi ha tomodachi gan Ken Hirai (“Rwyt ti’n ffrind i mi”). Enillodd ei waith byr o 2011, sef Harbor Tale, y wobr am yr animeiddiad gorau a gwobr y gynulleidfa yng Ngŵyl Ffilm Zlin yn y Weriniaeth Tsiec. Yn 2020, bu’n aelod o reithgor rhyngwladol Gŵyl Animeiddio Ryngwladol Hiroshima. Mae e’n Athro Animeiddio yn Ysgol Graddedigion Ffilm a Chyfryngau Newydd Prifysgol y Celfyddydau Tokyo, yn archwilydd i Gymdeithas Animeiddio Japan ac yn aelod o fwrdd ASIFA-JAPAN.